Россияда ота-онасиз қолган 21 нафар ўзбекистонлик болалар ватанга қайтарилди

Болаларнинг айримларини вояга етмаганларга ижтимоий-ҳуқуқий ёрдам кўрсатиш марказига, бошқаларини болалар уйи давлат корхонасига топширилди.

Жорий йилнинг 29 март куни Россиядаги ҳамда Қозоғистондаги Ўзбекистонининг элчихоналари билан ҳамкорликда ота-она қарамоғидан маҳрум бўлган Ўзбекистон фуқароларининг жами 21 нафар болалар Ўзбекистонга қайтарилди. Бу ҳақда ИИВ Жамоат хавфсизлиги департаменти Ахборот хизмати хабар қилмоқда.

Олиб келинган болаларнинг барчасига тиббий, психологик ва ижтимоий ёрдамлар кўрсатилиб, 18 нафари Тошкент шаҳар ИИББ ҲПБ Вояга етмаганларга ижтимоий-ҳуқуқий ёрдам кўрсатиш марказига, 3 нафари Тошкент шаҳар болалар уйи давлат корхонасига топширилди.