Шавкат Мирзиёев Хитойда юз берган қайиқ ҳалокати муносабати билан Си Цзиньпинга ҳамдардлик билдирди

Шавкат Мирзиёев Хитойнинг Гуйчжоу провинциясида юз берган фожиа муносабати билан ХХР раиси Си Цзиньпинга таъзия йўллади, деб хабар берди президент матбуот котиби.

Давлат раҳбари ҳалок бўлганларнинг оила аъзолари ва яқинларига ҳамдардлик билдирди, жабрланганлар тез орада соғайиб кетишини тилади.

Эслатиб ўтамиз, 4 май куни Хитой жануби-ғарбида кучли шамол оқибатида тўртта сайёҳлик қайиғи ағдарилиб кетиши оқибатида камида 10 киши ҳалок бўлди, 70 киши касалхонага ётқизилди.