Ўзбекистонда нақд пул айланмаси ҳажми ошгани маълум қилинди
Марказий банк томонидан 2023 йил январь-июнь учун «Нақд пул муомаласи бўйича қисқача шарҳ» тайёрланди. Унга кўра, 2023 йил январь-июнь ойларида банклар орқали нақд пул айланмаси ҳажми 369,7 трлн. сўмни ташкил этгани ҳолда, 2022 йилнинг мос даврига нисбатан 16,9 фоизга ошган.
Жумладан, банкларга нақд пул тушумлари ўтган йилнинг шу даврига нисбатан 19,8 фоизга ўсиб, 182,4 трлн. сўмни ташкил қилди. 2023 йил 6 ойида банк кассаларидан (шу жумладан, банкоматлардан) берилган нақд пуллар 2022 йил мос даврига нисбатан 14,2 фоизга кўпайди ва 187,3 трлн. сўмни ташкил этди.