Тошкентга сотиш учун олиб келинаётган 260 кг ўлган мол гўштлари тўхтатиб қолинди

Автомобилга юкланиб, олиб келинаётган яроқсиз гўштлар Навоийда ушланди.

Навоий вилояти ИИБ Ахборот хизмати хабарига кўра, бухоролик 37 ёшли А. нобуд бўлган қорамол гўштларини сотиш мақсадида таксига юклаб Тошкент шаҳрида таниши кутиб олишини айтиб жўнатган.

Пойтахт томон жўнатилган яроқсиз 260 кг гўштлар 7 ноябрь куни Самарқанд ЙПХ масканида ичкиишлар ходимлари томонидан қўлга олинди.

Гўштларни яроқлилик даражасини текшириш мақсадида вилоят ветеринария ва чорвачиликни ривожлантириш бошқармасига қарашли ташхис марказига олиб борилди.

Лабораториянинг бирламчи текширув натижаларига кўра истеъмолга яроқсиз деб топилди.