Москва ва Жиддадан Тошкентга учиб келаётган самолёт ноқулай об-ҳаво сабаб бошқа аэропортга қўнди

Шунингдек, Фарғона халқаро аэропортида ноқулай об-ҳаво сабаб Истанбул – Фарғона ва Фарғона – Тошкент рейслари кечикиб амалга оширилади.

Бугун, 7 ноябрь куни Тошкент халқаро аэропортида ноқулай об-ҳаво шароити туфайли Uzbekistan Airways бир нечта рейсларини захира аэропортларига ўтказилишига мажбур бўлинди. Бу ҳақда Uzbekistan Airways” АЖ Ахборот хизмати хабар берди.

Унга кўра, HY602 Москва – Тошкент қатнови Навоий аэропортига йўналтирилди.

HY336 Жидда – Тошкент қатнови Самарқанд аэропортига йўналтирилди.

Ушбу йўналишдаги қатновлар белгиланган манзилга етиб борган.

Бундан ташқари, Фарғона халқаро аэропортида ноқулай об-ҳаво шароити туфайли режалаштирилган HY081 Тошкент – Фарғона рейси соат 06:55 дан 09:30 га кўчирилди.

HY277 Фарғона – Истанбул рейси Фарғона халқаро аэропортидан ўз йўналиши бўйича жўнаб кетди.

Қайд этилишича, шу муносабат билан, HY278 Истанбул – Фарғона ва HY082 Фарғона – Тошкент рейслари кечикиб амалга оширилади.