Эркин кураш: Қизларимиз Осиё чемпионатини битта бронза медали билан якунлашди

Хабарингиз бор, Мўғулистон пойтахти Улан-Батор шаҳрида спорт курашлари бўйича Осиё чемпионати бўлиб ўтмоқда. Бугун 5 нафар эркин курашчи қизларимиз баҳсларга киришди.

— 65 кг вазн тоифасида Ариухан Жумабаева, — 72 кг вазн тоифасида Светлана Оқназарова мағлубиятга учраб, чемпионатни эрта тарк этди.

Бронза медали учун кечган беллашувларда — 53 кг вазн тоифасида Актенге Кеунимжаева қозоғистонлик Жулдиз Эшимовага, — 57 кг вазн тоифасида Шоҳида Аҳмедова мўғулистонлик Болортуя Хурелхуга, — 62 кг вазн тоифасида Набира Эсенбаева мўғулистонлик Хонгорзул Болдсаиханга ютқазиб қўйди.

Шу тариқа, Ўзбекистон аёллар эркин кураш терма жамоаси Осиё чемпионатидаги иштирокини Жасмина Иммаева ( — 50 кг) томонидан қўлга киритилган битта бронза медали билан якунлади.

Манба: minsport.uz