Ўзбекистон ва Эрон туризм соҳасидаги ҳамкорликни кенгайтириш масалаларини муҳокама қилди
Учрашув давомида икки мамлакат ўртасида туризм соҳасидаги ҳамкорликни янада мустаҳкамлаш, мавжуд салоҳиятдан самарали фойдаланиш ҳамда сайёҳлар алмашинувини ошириш масалалари атрофлича муҳокама қилинди.
Томонлар мамлакатларнинг туризм салоҳиятини тарғиб қилиш, ўзаро сайёҳлар оқимини кўпайтириш, тўғридан-тўғри авиақатновлар сонини ошириш, шунингдек, тиббий туризм йўналишида ҳамкорликни ривожлантириш юзасидан фикр алмашдилар.
Учрашувда Эрон томони ўз фуқаролари учун виза тартибини соддалаштириш бўйича таклиф билдирди.
Шунингдек, Ўзбекистоннинг туризм салоҳиятини Эрон бозорида кенг тарғиб этиш, икки мамлакатнинг бой тарихий ва маданий меросидан самарали фойдаланиш ҳамда ўзаро сайёҳлар алмашинувини изчил ошириш бўйича келишувга эришилди.