Бокс. Рико Верховен: «Усик билан жанг тўхтатилганда, мен ва менинг бурчагим бунга ишона олмадик»

Кикбоксчи Рико Верховен бокс қоидалари бўйича ўтказилган жангда Александр Усикдан учраган мағлубияти ҳақида гапириб ўтди.

«Жанг тўхтатилганида, мен ва менинг бурчагим бунга шунчаки ишона олмадик. Биринчи хаёлга келган фикр — дарҳол реванш талаб қилиш бўлди. Усик иккимизнинг ўртамизда, шубҳасиз, ҳал бўлмаган масалалар қолди», — деди Верховен.

Верховен ва Усик ўртасидаги жанг май ойида бўлиб ўтган эди. Усик техник нокаут билан ғалаба қозонган — рефери баҳсни 11-раундда тўхтатган эди.