Тошкентда Кичик ҳалқа автомобиль йўлининг бир қисми тўрт кунга ёпилади

6 августдан 10 августга қадар Тошкент шаҳрида Кичик ҳалқа автомобиль йўлининг «Чилонзор» метро бекатидан Арнасой кўчасигача бўлган қисмида транспорт ҳаракати тўлиқ чекланади. Бу ҳақда шаҳар коммунал хизматлари хабар қилди.

Чекловлар таъмирлаш-йўл ишлари олиб борилиши муносабати билан жорий этилмоқда. Ишлар давомида ҳайдовчиларга тирбандликларнинг олдини олиш мақсадида ҳаракат йўналишларини олдиндан режалаштириш ва айланма йўллардан фойдаланиш тавсия этилди.

Ҳайдовчилардан вақтинчалик ноқулайликларни тушуниш билан қабул қилиш ва шаҳар бўйлаб ҳаракатни режалаштиришда мазкур чекловларни инобатга олиш сўралди.