Тошкентнинг Назарбек ҳудудида йирик ёнғин содир бўлди

Тошкент шаҳрининг Назарбек ҳудудида йирик ёнғин юз берди. Дастлабки маълумотларга кўра, ёнғин автомойка ва автосервис жойлашган ҳудудда чиққан бўлиши мумкин.

Ҳодиса жойидан осмонга қуюқ тутун кўтарилгани кузатилган. Ёнғинни бартараф этиш учун Фавқулодда вазиятлар хизмати ёнғин-қутқарув экипажлари жалб этилган.

Ҳозирча ёнғиннинг келиб чиқиш сабаблари ва жабрланганлар бор-йўқлиги ҳақида расмий маълумот берилмаган. Воқеа юзасидан аниқлаштириш ишлари давом этмоқда.

Масъул идоралар томонидан қўшимча маълумотлар эълон қилиниши кутилмоқда.