3 сентябрь куни соат 07:38 да «112» хизматига Ангор туманидаги «Янгитурмуш» маҳалласи Ат-Термизий кўчасида ёнғин содир бўлгани ҳақида хабар келиб тушган.

Ҳодиса жойига учта ёнғин-қутқарув экипажи зудлик билан етиб борган. Ёнғин соат 07:48 да локализация қилинган ва 08:15 да тўлиқ бартараф этилган.

Фавқулодда вазиятлар бўлими маълумотига кўра, қарийб 35 квадрат метр савдо майдони ёнган. Ҳодиса оқибатида жабрланганлар йўқ.

Вилоятда бозорлар ва савдо мажмуаларида ёнғинларнинг тез-тез содир бўлаётгани ташвишли тенденцияга айланмоқда. Бу ҳолат ёнғин хавфсизлиги ва электр тармоқларидаги муаммоларга ишора қилмоқда.

Айни пайтда мутахассислар ёнғин келиб чиқиш сабабларини аниқламоқда. Етказилган зарар миқдори ҳам ҳисобланмоқда.