Қўқонда кучли таъсир қилувчи дори воситаларининг ноқонуний муомаласига чек қўйилди
Давлат хавфсизлик хизмати Фарғона вилояти бўйича бошқармаси ходимлари Ички ишлар ва Божхона органлари билан ҳамкорликда Қўқон шаҳрида тезкор тадбир ўтказди.
Тадбир давомида муқаддам судланган 44 ёшли фуқаронинг яшаш хонадони холислар иштирокида кўздан кечирилди. Текширувда унинг уйи ертўласида 782 дона «Тропикамид» кучли таъсир қилувчи дори воситаси борлиги аниқланди.