Светлана Саидова — Осиё ўйинлари совриндори

Аичи-Нагоя — 2026 XX Осиё ўйинларининг таэквондо WT бўйича навбатдаги кунида Ўзбекистон терма жамоаси ўзининг учинчи медалига эга чиқди.

Терма жамоамизнинг +67 кг вазн тоифасидаги вакили Светлана Саидова ишончли иштирок этиб, мусобақанинг ярим финал босқичига қадар етиб борди.

Финал йўлидаги жангда Светланага Хитой терма жамоаси аъзоси Му Венже рақиблик қилди. Шиддатли кечган баҳсда ҳамюртимиз имкониятни бой берган бўлса-да, мусобақани бронза медали билан якунлади.

Шу тариқа, Светлана Саидова Японияда ўтказилаётган Осиё ўйинларида ўзбекистонлик таэквондочиларнинг учинчи медалига муаллифлик қилди.

Манба: stadion.uz