12 ноябрь куни Ўзбекистон миллий терма жамоаси Россия билан ўртоқлик ўйини ўтказади

Ўзбекистон миллий терма жамоаси ноябрь ойидаги халқаро ўртоқлик учрашуви доирасида Россия терма жамоасига қарши майдонга тушади. Беллашув 12 ноябрь куни Тошкентдаги «Пахтакор» марказий стадионида бўлиб ўтади ва соат 20:00 да старт олади.

Мухлислар мазкур учрашув учун чипталарни iTicket.uz веб-сайти ҳамда «iTicket Uzbekistan» расмий мобил иловаси (App Store | Play Market платформалари) орқали онлайн тарзда харид қилишлари мумкин.