Талабалар қишки таътилни қачондан бошлашлари маълум қилинди

Талабалар ва профессионал таълим муассасалари ўқувчилари учун қишки таътил 9 январга қадар этиб белгиланди.

Талабалар қишки таътилга 26 декабрдан чиқишади. Бу ҳақда бугун, 5 декабрь куни бўлиб ўтган брифингда Олий ва ўрта махсус таълим вазирлиги ахборот хизмати раҳбари Мўмин Ибодов маълум қилди.

Унга кўра, талабалар ва профессионал таълим муассасалари ўқувчилари учун қишки таътил муддати 2022 йилнинг 26 декабридан 2023 йилнинг 9 январига қадар этиб белгиланди.