Водийда "газ заправка"лар иш фаолияти вақтинча тўхтатилди

Бунга аҳоли ва ижтимоий соҳа объектларининг табиий газга бўлган эҳтиёжи ортгани сабаб бўлмоқда. Қачон ишга тушиши маълум қилинмаган.

«Ўзтрансгаз» АЖ Ахборот хизматининг хабар беришича, аҳоли, ижтимоий соҳа объектларининг табиий газга бўлган эҳтиёжи ортгани боис Фарғона водийси вилоятларидаги автомобилларга газ тўлдириш компрессор станциялари бугун 7 декабрь куни соат 11:00 дан вақтинча иш фаолиятини тўхтатди.

«Вазият изга тушгач одатий иш фаолиятига қайтилишини маълум қиламиз. Келтирилган вақтинча ноқулайликлар учун истеъмолчилардан узр сўраймиз», — дейилади хабарда.