Курашчи қизларимиз Осиё чемпионатини кучли учликда якунлашди

Манама шаҳри (Баҳрайн) мезбонлик қилаётган спорт курашлари бўйича ёшлар ўртасидаги Осиё чемпионатида яна бир кун ортда қолди. Қувонарлиси, унда баҳс олиб борган 3 нафар қизимиз шоҳсупага кўтарилди.

— 57 кг вазн тоифасида гиламга чиққан Лайлохон Собирова барча рақибаларини мағлубиятга учратиб, қитъа чемпионлигини қўлга киритди. — 53 кг вазн тоифасида Дилшoда Матназарова айлана тизимда ўтган беллашувлар якунида кумуш медалга сазовор бўлган бўлса, — 62 кг вазнда Рушана Абдирасулова шоҳсупанинг учинчи поғонасидан жой олди.

Шу тариқа, курашчи қизларимиз қитъа биринчилигини 1 тадан олтин ва кумуш, шунингдек, 2 та бронза медали билан якунлашди. Аҳамиятлииси, ушбу натижа билан аёллар терма жамоамиз Япония ва Ҳиндистондан сўнг умумжамоа ҳисобида учинчи ўринни эгаллади. Энди ёш эркин кураш усталари ўз маҳоратларини намойиш этадилар.

Манба: Olympic.uz