Сўнгги 2 йил ичида 5 киши яроқсиз лифтлар сабаб ҳалок бўлди

Саноат хавфсизлиги давлат қўмитаси мамлакатдаги лифтлар сони ва уларнинг фойдаланишга яроқлилиги тўғрисидаги маълумотларни тақдим этди.

Саноат хавфсизлиги давлат қўмитаси Матбуот хизматининг хабарига кўра, республикадаги кўп қаватли уйларда жами 6200 дан ортиқ лифт қурилмалари мавжуд бўлиб, шулардан 5000 дан зиёди Тошкент шаҳрида ўрнатилган. Лифтларнинг 290 дан ортиғи ўз хизмат муддатини ўтаб бўлган, капитал таъмирталаб.

Лифтлардан фойдаланишда хавфсизлик талабларини бажармаганлик оқибатида 2021-2022 йиллар давомида жами 4 та бахтсиз ҳодиса содир бўлган ва натижада 5 нафар фуқаро ҳаётдан бевақт кўз юмган.