Пойтахтнинг иккита туманида ичимлик суви бир кунга ўчирилади

Ер устки метро йўли қурилиш ишлари муносабати билан ичимлик сув тармоғини кўчириб ўтказилган қисмини қайта улаш ишлари олиб борилади.

Сергели туман Қипчоқ кўчасидан ўтувчи ер устки метро йўли қурилиш ишлари муносабати билан Д — 1000мм бўлган ичимлик сув тармоғини кўчириб ўтказилган қисмини қайта улаш ишлари вақтида жорий йилнинг 20 декабрь куни 9:00 дан 21 декабрь куни 9:00 гача вақтинча сувсиз қолдирилади, дея хабар бермоқда «Тошкент шаҳар сув таъминоти» МЧЖ.

Сергели тумани бўйича:

“Қорасув”, “Тараққиёт”, “Хонабод”, “Қушбеги”, “Хонабодтепа”, “Қурувчилар”, “Дарё бўйи”, “Файзли”, “Жалоир”, “Қипчоқ”, “Суғдиёна”, “Ўзгариш”, “Ҳабибий”, “Темир йўлчи”, « Шукур Бурхонов», «Янги Сергели», “Тинчлик”, “Гулистон”, “Бобур”, “Иттифоқ”, “Нилуфар”, «Хумо» маҳаллаларида.

1-сектор штаби, қабристон, масжид, асфальт завод ва ҳар хил турдаги ишлаб чиқарувчи корхоналар. 8-Қозонхона (ТЦ — 8), ТБК насос станцияси, ёнғинга қарши кураш бўлими, «Рерsi» заводи, «Пахта тола» заводи, ғишт заводи, божхона омбори, 25-сонли ўрта мактаб.

Янгихаёт тумани бўйича:

“Қипчоқ”, “Юлдош”, “Ал-Фарғоний”, “Виқор”, “Олчазор”, “Дўстлик”, “Чортоқ”, “Чарағон”, “Тошкент” маҳаллаларида.

1-сонли Туғруқ комплекси, 37-сонли поликлиника, тери таносил шифохонаси (КВД), ўликхона, Янгихаёт ҳокимияти, дока хлеб, металл заводи, 12-автобус парки, КНС, “Green park”, “Эврика” хусусий боғчаси.

Сувсиз қолган ҳудудларга ичимлик суви махсус техникаларда етказиб берилади.