Тошкентда янги дўконда чегирма сабаб оломон тўпланди

Пойтахт ИИББ ҳолат юзасидан маълумот берди.

Ижтимоий тармоқларда Тошкент шаҳри Шайхонтоҳур туманида кўплаб фуқаролар тўпланганлиги акс этган видеолар тарқалиб, муҳокамаларга сабаб бўлди.

Ҳолатга пойтахт ИИББ расмий изоҳ берди.

Маълум қилинишича, Шайхонтоҳур тумани Қоратош даҳасида янги дўкон очилиши муносабати билан акция эълон қилинган.

“Мазкур ҳудудда жамоат тартибини сақлаш мақсадида ички ишлар органлари ва миллий гвардия ходимлари жалб қилинган бўлиб, вазият назоратга олинган”, - дейилади хабарда.