Фото: Бокс афсонаси Майк Тайсон ногиронлар аравачасида

Супер оғир вазн тоифасида собиқ жаҳон чемпиони Майк Тайсон Майами аэропортида ногиронлар аравачасида кетаётгани акс этган суратлар тарқалди. Бу ҳақда «Чемпионат» хабар қилмоқда.

Аввалроқ 56 ёшли афсона ҳассага таяниб юргани хабар қилинганди. Собиқ боксчи нима сабабдан бундай ҳолатга тушгани бўйича маълумотлар мавжуд эмас.

Тайсон профессионал фаолияти давомида 58 та жанг ўтказиб, уларнинг 50 тасида ғалаба қозонган. 44 та жангда Майк рақибларини муддатидан аввал енгган.

2020 йилнинг ноябрида «темир Майк» собиқ жаҳон чемпиони Рой Жонсга қарши кўргазмали жангда иштирок этганди. 8 раунд давом этган жангда дуранг қайд этилганди.

Манба: daryo.uz