[ jamiyat ] 9 Yanvar 2023
Uzbekistan Airways самолёти Қозонга қўнаётганда битта двигателда носозлик юз берди
Бортида 173 йўловчи бўлган Airbus А320 лайнери ишдан чиққан ҳолда қўнди.
Қайд этилишича, самолёт Қозон аэропортига битта двигатель ишдан чиққан ҳолда эсон-омон қўнган. Қўниш вақтида йўловчилардан ҳеч бири жабрланмаган.
Самолётда 173 йўловчи (158 катталар ва 15 болалар) бўлган. Носозликни бартараф этиш мақсадида Boeing 767 самолётида HY9649/9650 қўшимча рейс ташкил этилди. Қозон-Тошкент қайтиш рейсида 166 нафар йўловчи манзилига етказилди.
Айни пайтда самолёт двигателининг ишдан чиқиши сабаблари аниқланмоқда.