Бухоро – Тошкент йўналишида ҳаракатланган Aфросиёб поезди носозлик сабаб манзилига етиб бормади

Йўловчиларни манзилига етказиш мақсадида захира Aфросиёб электропоезди жўнатилди.

Жорий йилнинг 13 январь куни Бухоро – Тошкент йўналишидаги 765-сонли Aфросиёб юқори тезликда ҳаракатланувчи электропоезди Ўзбекистонда кузатилаётган аномал совуқ об-ҳаво сабабли поездда носозлик юзага келди ва поезд «Малик» бекатида тўхтатилди.

«Йўловчиларни манзилга хавфсиз етказиб келиш мақсадида захира Aфросиёб электропоезди жўнатилди. Йўловчиларга келтирилган ноқулайликлар учун узр сўраймиз», — дейилади хабарда.