Халқаро йўналишлардаги мунтазам автобус қатновлари бугундан вақтинчалик тўхтатилди

Бунга кучли совуқ туфайли йўлларда музламалар ҳосил бўлгани сабаб қабул қилинган.

Ўзбекистондан ҳаракатланувчи халқаро йўналишлардаги автобус қатновлари вақтинчалик тўхтатилди. Бу ҳақда Транспорт вазирлиги Матбуот хизмати хабар берди.

Қайд этилишича, мазкур қарор Қозоғистон ва Россияда кузатилаётган кучли совуқ туфайли йўлларда музламалар ҳосил бўлгани сабаб қабул қилинган.

Шундай қилиб, Ўзбекистон халқаро йўналишларда амалга оширилувчи мунтазам автобус қатновлари жорий йил 13 январдан вақтинчалик тўхтатилди.