Бокс. Қизларимиздан бир ғалаба ва бир мағлубият

Иорданияда ўтказилаётган бокс бўйича Осиё чемпионатида кеча оқшом икки нафар ўзбекистонлик аёл ўзининг чорак финалдаги жангини ўтказди.

— 48 кг вазнли боксчи қизимиз Фарзона Фозилова иорданиялик Сара Қавасмига қарши рингга кўтарилди ва муддатидан олдин ғалаба қозонди. У жанг давомида рақибини 3 маротаба нокдаун ҳолатига тушириб қўйди. 3-раундга келиб, рефери жангни тўхтатишга қарор қилди.

— 60 кг вазн тоифасида юртимиз шарафини ҳимоя қилган Дилфуза Бекова чорак финалда таиландлик Порнтип Буапага қарши рингга кўтарилди ва имкониятни бой бериб қўйди.

Манба: stadion.uz