Эртадан халқаро йўналишлардаги мунтазам автобус қатновлари қайта тикланади

Ўзбекистонда халқаро йўналишларда амалга оширилувчи мунтазам автобус қатновлари жорий йил 13 январдан вақтинчалик тўхтатилганди.

Об-ҳаво шароити ҳамда ҳаракат йўналиши бўйлаб автомобиль йўлларидаги мавжуд вазиятдан келиб чиқиб, жорий йилнинг 19 январь санасидан Ўзбекистондан халқаро йўналишларда амалга оширилувчи мунтазам автобус қатновлари қайта тикланади. Бу ҳақда Ўзбекистон Транспорт вазирлиги Ахборот хизмати хабар бермоқда.

19 январь куни «Тошкент» автовокзалидан халқаро йўналишларда амалга оширилувчи автобус қатновлари рўйхати:

— 12:00 Тошкент – Москва чипта нархи 1011000 сўм;
— 16:00 Тошкент – Олмаота чипта нархи 200 000 сўм;
— 16:00 Тошкент – Остона чипта нархи 361 000 сўм;
— 17:00 Тошкент – Туркистон чипта нархи 111 000 сўм;
— 18:00 Тошкент — Қизилўрда чипта нархи 161 000 сўм;
— 18:00 Тошкент – Олмаота чипта нархи 200 000 сўм;
— 18:00 Тошкент – Бишкек чипта нархи 261 000 сўм.