Шахмат. Бугун рапид бўйича ЖЧ бошланади

Қозоғистоннинг Олма-ота шаҳрида бугун шахматнинг рапид ва блиц йўналишларида жаҳон чемпионати старт олади.

Шахматчилар дастлаб рапид йўналишида 12тадан ўйин ўтказишади. Ҳар куни 4тадан ўйин ўтказилади ва рапид баҳслари 28 декабрь куни якунланади. Баҳслар Тошкент вақти билан 14:00да бошланади.

29 ва 30 декабрь кунлари эса блиц бўйича баҳслари бўлиб ўтади.

Ўзбекистон терма жамоаси сафида 7 нафар эркак ва 3 нафар аёл спортчилар мусобақага йўл олишган. Нодирбек Абдусатторов эса рапид йўналишида амалдаги жаҳон чемпиони ҳисобланади.

Манба: stadion.uz