Ўзбекистон Туркманистондан етказиб берилмаган газ учун компенсация талаб қилгани рад этилди

Ўзбекистон Энергетика вазирлиги компенсация талаб қилингани ҳақидаги хабарга муносабат билдирди.

Аввалроқ, Turkmen.news нашри Туркманистон газ конида носозлик сабабли январь ойининг маълум кунларида етказиб берилмаган газ учун Ўзбекистон томони қўшни давлатдан катта миқдорда компенсация пули талаб қилгани ҳақида хабар берганди.

Аммо, Ўзбекистон Энергетика вазирлиги бу ҳолатни рад этиб, ушбу хабар мутлақо ҳақиқатга тўғри келмаслигини маълум қилди.

Қайд этилишича, Туркманистон томонидан Ўзбекистонга дўстона ва биродарлик билан қўллаб-қувватлаш мақсадида суюлтирилган газ партияси бепул тақдим этилган.

«Ўз навбатида, Туркманистон томонидан тақдим этилган суюлтирилган газ яқин кунларда эҳтиёжманд оилаларга бепул тарқатилади»,- дейилади хабарда.