[ jamiyat ] 9 Fevral 2023
Тошкент-Термиз йўналишидаги поездлар ҳаракати бир рейсга тўхтатилади
Тупроқ кўчкиси сабаб Чашма-Оқработ станциялари оралиғидан ўтувчи поездлар ҳаракати вақтинча тўхтатилади.
Маълум қилинишича, Чашма-Оқработ станциялари оралиғининг 103-км 5-6 пикет қисмида тупроқ кўчкиси содир бўлган.
Ҳозирги пайтда ушбу ҳолатни бартараф этиш мақсадида мутахассислар тезкорлик билан ушбу ҳудудга етиб келишган ва техникалар жалб этган холда тупроқ кўчкиларини темир йўл изидан тозалаш ишлари амалга оширилмоқда.
«Харид қилинган чипталарни темир йўл чиптахоналарида, электрон тарзда харид қилинган чипталарни chipta.railway.uz сайтида қайтариб олиш мумкин. Чипта нархи тўлиқ 100 фоиз қийматда қайтарилади», — дейилади хабарда.