[ sport ] 21 Yanvar 2023
Усик ва Фьюри жанги режалаштирилган кунда бўлмайди
Британиялик промоутер Фрэнк Уоррен украиналик боксчи Александр Усик ва британиялик Тайсон Фьюри ўртасидаги чемпионлик жанги бошқа санага кўчирилганини маълум қилди, деб ёзди «TalkSport».
Аввалига оғир вазнда мутлақ жаҳон чемпиони унвони учун жанг 4 март куни бўлиб ўтиши режалаштирилганди.
Промоутернинг хабар беришича, жанг март ойи охири – апрель ойи бошида бўлиб ўтади. Жанг учун эҳтимолий жой – Яқин Шарқ.