Оғир атлетика. Руслан Нурудинов яна бир чемпионликни тантана қилди

Чирчиқда оғир атлетика бўйича ёшлар ва катталар ўртасидаги Ўзбекистон чемпионати ўз якунига етиб бормоқда.

Ортда қолган кунда аёллар ( — 87 кг ва +87 кг) ва эркаклар ( — 96 кг ва — 102 кг) ўртасида оғир вазн тоифаларида ғолиблар аниқланди. Кутилганидек, эркаклар ўртасида — 102 кг вазн тоифасидаги беллашувларда Руслан Нурудинов, аёллар ўртасидаги +87 кг тоифасида эса Турсуной Жабборова олтин медалларни қўлга киритишди.

Мусобақа бугун якунланиб, унда эркаклар ўртасида — 109 кг ва +109 кг вазн тоифаларидаги баҳслар ўтказилади.

Манба: Olympic.uz