Ўзбекистонликлар йил бошидан буён харид кэшбеклари орқали 330 млрд сўм ишлаб олишди

Январь ойидан бошлаб салкам 1,1 млн кишига харид учун кэшбек тўлаб берилган.

Жорий йилнинг январь ойидан бери тўланган харид учун кэшбеклар 330 миллиард сўмдан ошди. Бу ҳақда Солиқ қўмитаси хабар берди.

Қайд этилишича, июль ойи учун 829 753 нафар истеъмолчига 70,7 млрд сўм кэшбек тўланди. Шунингдек, камчиликлар бартараф этилиши натижасида – январь-июнь ойлари учун яна 3,3 млрд сўм кэшбек тасдиқланди.

Йил бошидан буён 1 млн 97 минг 625 нафар фуқарога 330,8 млрд сўм кэшбек тўлаб берилган.