Бокс. Тошкентдаги ЖЧда 100дан ортиқ мамлакат вакиллари иштирок этади

Тошкентда бўлиб ўтадиган бокс бўйича жаҳон чемпионатида иштирок этиш учун 104 мамлакатдан ариза келиб тушди. Бу ҳақда Халқаро бокс федерацияси (IBA) расмий сайти хабар тарқатди.

13 та вазн тоифасида 640 дан ортиқ боксчилар иштирок этиши кутилмоқда. Рўйхатдан ўтиш муддати 14 апрелга қадар узатирилди.

«Тошкентда Ўзбекистон бокс федерацияси ҳамкорлигида ўтадиган унутилмас бокс мусобақасини интизорлик билан кутяпмиз», — деди IBA президент Умар Кремлев.

Маълумот ўрнида. Бокс бўйича жаҳон чемпионати 1-14 май кунлари Тошкентда ўтказилади. Унда Россия ва Беларусь терма жамоаси аъзолари ҳам ўз байроғи остида иштирок этишига рухсат берилган.

Манба: stadion.uz