Бокс бўйича ЖЧ—2023. Саиджамшид Жаъфаров мексикалик, Асадхўжа Мўйдинхўжаев эса япониялик рақибини мағлуб этди

Тошкент мезбонлигида ўтаётган бокс бўйича 2023 йилги Жаҳон чемпионатининг 6-кунги баҳслари 6 май, шанба куни бўлиб ўтмоқда.

— 67 кг вазн тоифасида Асадхўжа Мўйдинхўжаев япониялик Юто Вакитага қарши рингга кўтарилди. Уч раунд якунига кўра Мўйдинхўжаев рақибини 5:0 ҳисобида мағлуб этди. Шу тариқа Асадхўжа мусобақани муваффақиятли бошлади.

Саиджамшид Жаъфаров ( — 71 кг) эса мексикалик Марко Вердега қарши баҳс олиб бориб, ишончли ғалаба қозонган ҳолда чемпионатдаги юришини давом эттирадиган бўлди. Ҳакамлар ҳамюртимизнинг 4:1 ҳисобидаги ғалабасини қайд этишди.

6 май кунги баҳсларда Руслан Абдуллаев (63,5 кг) маврикийлик рақибини енгиб, чорак финал йўлланмасини қўлга киритганди.

Манба: daryo.uz