Бокс-2023. Тўртинчи боксчимиз ЖЧ ярим финалига чиқди

Пойтахтимиздаги жаҳон чемпионатининг чорак финалида тўртинчи боксчимиз ўз жангини ўтказди. — 71 кг вазн тоифасидаги вакилимиз Саиджамшид Жаъфаров россиялик Игорь Свиридченковга қарши жанг олиб борди.

Ватандошимиз қўлларининг узунлигидан унумли фойдалана олди. Рус боксчиси эса масофани қисқартириб, зарабалар сериясини амалга оширишга ҳаракат қилди. Аммо Саиджамшидга бунга имкон бермади ва рақибига кетма-кет кучли зарбалар берди. Айниқса, иккинчи раундда Свиридченков жуда кўп зарбалар ўтказиб юбориши натижасида унинг шашти анча тушиб қолди. Жаъфаров сўнгги раундни нисбатан хотиржамроқ ўтказиб, жангни ўз фойдасига ҳал этди — 5:0 (30:27, 30:27, 30:27, 30:27, 29:28).

Шу тариқа, Руслан Абдуллаев турнирдаги тўртинчи жангида ғалаба қозониб (улардан бирида рақиб рингга чиқмаганди), мусобақа ярим финалига чиқди.

Бугун яна 7 нафар ҳамюртимиз рингга кўтарилади:

— 92 кг Лазизбек Мулложонов — Сезар Ла Круз (Куба) (А ринг, 16:25 дан сўнг)

— 54 кг: Ойбек Жўраев — Габриэль Эскобар (Испания) (Б ринг, 18:40 дан сўнг)

— 60 кг: Мужибилло Турсунов — Всеволод Шумков (Россия) (Б ринг, 18:55 дан сўнг)

— 67 кг: Асадхўжа Мўйдинхўжаев — Рониэль Иглесиас (Куба) (Б ринг, 19:25 дан сўнг)

— 75 кг: Аълохон Абдуллаев — Филип Акилов (Венгрия), (Б ринг, 19:55 дан сўнг)

— 86 кг: Шоҳжаҳон Абдуллаев — Альфонсо Домингез (Озарбайжон) (А ринг, 20:25 дан сўнг)

+92 кг: Баҳодир Жалолов — Қамшибек Қўнқабаев (Қозоғистон) (Б ринг, 21:10 дан сўнг).

Манба: stadion.uz