Ўзбекистонда қанча талаба ижарада туриши маълум бўлди

Давлат солиқ қўмитаси солиқ органларида ҳисобга қўйилган кўчмас мулк ижара шартномалари ҳақидаги маълумотларни очиқлади.

Ўзбекистонда 2023 йил 1 март ҳолатига солиқ органларида 307 мингдан ортиқ шартнома ҳисобга қўйилди, дея хабар берди Давлат солиқ қўмитаси Матбуот хизмати.

Маълум қилинишича, жисмоний шахслар ўртасида тузилган 228,5 мингта ижара шартномалари асосида 21,7 миллиард сўм даромад солиғи ҳисобланиб, ўтган йилнинг мос даврига нисбатан ижара шартномалари сони 53,7 фоизга ва ҳисобланган даромад солиғи суммаси 34,4 фоизга ошган.

Юридик шахслар ўртасида тузилган 78,5 мингта ижара шартномалари асосида 39,8 миллиард сўм даромад солиғи ҳисобланиб, ўтган йилнинг мос даврига нисбатан ижара шартномалари сони 25,9 фоизга ва ҳисобланган даромад солиғи суммаси 35,6 фоизга ошган.

Талабалар билан тузилган ижара шартномалари сони – 50 976 та, ижарада турувчи талабалар сони – 83 018 нафарни ташкил этади.

Солиқ тўловчининг уй-жойларни талабаларга ижарага беришдан олган даромадлари солиқдан озод этилган. Уларга даромад солиғидан 7,8 миллиард сўм имтиёз қўлланган.