Бокуда таэквондо бўйича жаҳон чемпионати старт олмоқда

Бугун Озарбайжон пойтахти Боку шаҳрида таэквондо WT бўйича жаҳон чемпионати бошланади. Регламентга кўра, мусобақанинг биринчи кунида эркаклар ўртасида — 68 кг, аёлларда эса — 57 кг вазн тоифасида ғолиб ва совриндорлар аниқланади.

Бугунги беллашувларда ҳамюртларимиздан Токио — 2020 Олимпиадаси чемпиони Улуғбек Рашитов ҳамда Мадина Мирабзалова юртимиз шарафини ҳимоя қилишади. Улар мусобақани қуйидаги рақибларига қарши бошлайдилар:

— 68 кг: Улуғбек Рашитов – Уилфрид Макентчоу (Камерун) / Жозеф Фири (Малави)

— 57 кг: Мадина Мирабзалова – Тина Моданло (Эрон)

Манба: olympic.uz