«Norway Chess». Нодирбек Абдусатторов яна ютқазди

Норвегияда 10 нафар гроссмейстер иштирокидаги нуфузли «Norway Chess» турнирида бугун 7-тур баҳслари ўтказилди.

Унда Нодирбек Абдусатторов АҚШлик спортчи Со Уэслига қарши қора доналарда ўйнади. Ғамюртимиз бу сафар ташаббусни қўлга ола билмади. Аксинча, Нодирбекнинг ноаниқ юришларидан рақиб унумли фойдаланиб, осон ғалабани қўлга киритди.

Натижада Уэсли ўз очколарини 10,5 тага етказиб олди. Абдусатторов 6 очко билан 9-ўринга янада «маҳкамроқ» ўрнашди.

Нодирбек Абдусатторов яна бир АҚШлик спортчи Хикару Накамурага қарши оқ доналарда ўйнайди.

Манба: stadion.uz