Баҳодир Жалолов нигериялик боксчини 1-раундда нокаутга учратиб, проф боксдаги 13-ғалабасини қўлга киритди (видео)

Ўзбекистонлик боксчи Баҳодир Жалолов 26 августдан 27 августга ўтар кечаси нигериялик Онориоде Эҳвериэмега қарши рингга кўтарилди.

8 раундга мўлжалланган жангда Жалолов биринчи раунддаёқ нигериялик рақибини нокаутга учратди.

Шу тариқа Баҳодир Жалолов проф рингдаги ўн учинчи, Top Rank промоутерлик компанияси билан ҳамкорликдаги илк жангида ғалаба қозонди. Уларнинг барчасида ўзбекистонлик боксчи муддатидан аввал ғалабани қўлга киритган.

Эслатиб ўтамиз, Баҳодир профессионал боксдаги сўнгги жангини 2022 йилнинг ноябрь ойида америкалик Кёртис Харперга қарши ўтказиб, 4-раундда нокаут эвазига ғалаба қозонганди.

Манба: daryo.uz