Ханчжоу-2022, бокс. Бобоқулова ютқазди, Турдибекова чорак финалга чиқди

Осиё Ўйинларининг бокс мусобақасидан бугунга белгиланган кундузги жанглар ўтказилмоқда. Айни пайтгача икки ватандошимиз ўз жангларини ўтказди.

Аёллар ўртасидаги 50 кг. вазн тоифасида Сабина Бобоқулова чорак финалда амалдаги жаҳон чемпиони хитойлик Ву Юга қарши рингга кўтарилиб, имкониятни бой берди (0:5).

57 кг. вазнда боксчимиз Ситора Турдибекова эса покистонлик Фотима Заҳрога қарши жанг олиб бориб, ишончли тарзда ғалаба қозонди — 5:0 (30:25, 30:25, 30:25, 30:27, 30:27). Ситора чорак финалда ҳиндистонлик Парвинга қарши жанг қилади.

Манба: stadion.uz