Ханчжоу-2022. Ўзбекистон аёллар терма жамоаси чорак финалга чиқди

Осиё Ўйинларида аёллар футболида гуруҳ босқичи якунига етди. «А» гуруҳида иштирок этган Ўзбекистон аёллар терма жамоаси бугун Хитойга қарши баҳсда иштирок этди.

Мазкур баҳсда мезбонлар 6:0 ҳисобида ғалаба қозонишди.

Минори Хонда шогирдлари 1-турда Мўғулистон устидан шундай ҳисобда зафар қучганди. 3 очко ва юзага келган 6-6 кўринишидаги тўплар фарқи туфайли жамоамиз гуруҳларда 2-ўринни эгаллаганлар орасида энг яхши натижа қайд этди.

Шу боис, аёллар терма жамоамиз чорак финал йўланмасини қўлга киритди. Қизларимиз 30 сентябрь куни Хитой Тайпейига қарши ярим финал йўлланмаси учун майдонга тушишади.

Манба: stadion.uz