Ханчжоу-2022, бокс. Нигина Ўктамова бронза медали совриндори бўлди

Осиё Ўйинларида бокс бўйича аёллар ўртасидаги 54 кг. вазн тоифасида ҳамюртимиз Нигина Ўктамова бронза медалиги сазовор бўлди.

20 ёшли спортчимиз ярим финалда КХДР вакили Панг Чол Мига қарши рингга кўтарилди. Тажрибали рақиб ўз маҳоратини намойиш этиб, 5:0 ҳисобида ғалаба қозонди.

Нигина Ханчжоу мусобақасида бронза медалини қўлга киритиш билан бирга Париж — 2024 олимпиадаси йўлланмасига ҳам эга бўлганини таъкидлаш лозим.

Манба: stadion.uz