Ханчжоу-2022'да 12-олтин! Олга Забелинская — Осиё ўйинлари чемпиони!

Осиё Ўйинларининг навбатдаги кунини олтин медаль билан бошлаймиз.

Велошоссенинг шахсий пойга дастурида иштирок этган Ўзбекистон терма жамоаси аъзоси Олга Забелинская олтин медални қўлга киритди. 18.3 км масофага кечган пойгада ҳамюртимиз 24:36.99 дақиқа натижа кўрсатди.

Ватандошимиз 2-ўринни эгаллаган япониялик спортчини 1 дақиқага ортда қолдирди. Бронза медали эса қозоғистонлик Рината Султановага насиб этди.

Бу Ўзбекистон делегацияси учун 12-олтин медаль бўлди.

Манба: stadion.uz