Ханчжоу-2022: Боксда учинчи финалчимиз номи аниқ бўлди

Осиё Ўйинларининг бокс мусобақасида ярим финал жанглари якунланиб бормоқда. Эркаклар ўртасида 57 кг. вазндаги жаҳон чемпиони Абдумалик Ҳалаков финал йўлланмаси учун хитойлик Пинг Люга қарши жанг олиб борди.

Ҳамюртимиз барча раундларда устунликка эришиб, ғалабани қўлга киритди — 5:0 (30:27, 30:27, 30:27, 30:27, 30:27). Ҳалаков финалда Шудай Харада (Япония) / Ружакран Жунтронг (Таиланд) жуфтлиги ғолибига қарши рингга кўтарилади.

Аввалроқ Ҳасанбой Дўсматов ва Баҳодир Жалолов ҳам финал йўлланмасини қўлга киритганди.

Манба: stadion.uz