Ханчжоу-2022, эркин кураш: Ҳасанбой Раҳимов сўнгги сонияларда медални қўлдан чиқарди

Осиё Ўйинларида эркин кураш бўйича яна бир медални қўлга киритишга жуда яқин келдик.

125 кг.гача бўлган вазнда Ҳасанбой Раҳимов бронза медали учун қирғизистонлик Айял Лазаревга қарши гиламга чиқди. Ҳамюртимиз 6-2 ҳисобида олдинда бораётганди. Аммо сўнгги 15 сония ичида 4 очкони бой бериб, ғалабани қўлдан чиқарди. Эркин кураш қоидасига кўра, дуранг қайд этилганда сўнгги бўлиб очкони қўлга киритган спортчига ғалаба тақдим этилади.

Шу боис, Раҳимов тайёр бронза медалидан қуруқ қолди.

Манба: stadion.uz