Ўзбекистонга электромобиллар импорти 3,5 баравардан ошди

Сўнги 4 ой ичида энг кўп электромобиль Хитойдан импорт қилинган.

Статистика агентлиги маълумотларига кўра, Ўзбекистон 2023 йилнинг январь-апрель ойларида 9 та хорижий давлатдан қиймати 81,3 млн AҚШ долларига тенг бўлган 2 544 дона электромобиль импорт қилди.

Электромобиллар импорти ўтган йилнинг мос даври билан солиштирилганда 1815 тага ошган. Жорий йилнинг апрель ойида хорижий давлатлардан 876 дона электромобиль импорт қилинди.

Ўзбекистон 4 ойда энг кўп электромобиль импорт қилган давлатлар:

— Хитой – 2 278 та

— Гонконг – 202 та

— Германия – 32 та

— БАА – 16 та

— Корея – 9 та

— АҚШ – 4 та