Тошкент вилоятида меҳмонхонага борган йигит ва қиз вафот этди

23 ёшли йигит ва 21 ёшли қизнинг вафоти юзасидан текширув ҳаракатлари бошланган.

Тошкент вилояти Чирчиқ шаҳридаги меҳмонхонада йигит ва қиз вафот этди. Бу ҳақда UzNews.uz'га Бош прокуратура матбуот хизмати раҳбари Ҳаёт Шамсутдинов хабар берди.

2023 йил 8 июнь куни Чирчиқ шаҳридаги “DELUXE HOTEL” меҳмонхонасининг хонасига жойлашган 2000 йилда туғилган эркак ва 2002 йилда туғилган қиз вафот этганлиги аниқланган.

Марҳумларнинг ўлим сабабларини аниқлаш мақсадида суд-тиббиёт экспертизаси тайинланган.

Терговга қадар текшириш ҳаракатлари олиб борилмоқда.