Андижон ҳокими уйи ёниб кетган журналистга янги уй топширди

Шуҳрат Абдураҳмонов турар жой муаммосига дуч келган журналистга ҳар томонлама ёрдам кўрсатилишини таъкидлаган.

Аввалроқ, Андижон вилояти ҳокими Шуҳрат Абдураҳмонов кеча, 26 июнь куни ўтказилган «Ҳокимлик соати»да уйи ёниб кетган журналистга янги уй совға қилишини маълум қилган эди.

Бугун, Шуҳрат Абдураҳмонов журналист аёл ва унинг оиласига аталган 2 хонали квартиранинг калитларини топширган. Бу ҳақда Андижон вилояти ҳокимлиги Матбуот хизмати хабар берди.

Маълумот ўрнида, вилоят МИБ матбуот котиби Ойиста Абдурахмонова кўнгилсиз ҳодиса сабабли турар жой муаммосига дуч келган.