[ jamiyat ] 24 Iyul 2023
Самарқандда собиқ аёлини бошқа эркак билан яқинлик қилганини шантаж қилмоқчи бўлган эр ушланди
Эр бунинг учун бир аёл билан тил бириктирган. Аёл $5 мингни олаётган вақтда ушланди.
Эркак собиқ аёлига бир эркак билан жинсий алоқада бўлгани акс этган расмлари борлигини айтиб, уни ижтимоий тармоқларга тарқатиш билан қўрқитган. У бу ишни қилмаслик эвазига $5 минг талаб қилган.
Собиқ аёл билан яқинлик қилгани айтилган эркак эса ҳолат юзасидан ИИБга ариза берган.
Самарқанд вилояти ИИБ ходимлари томонидан Пастдарғом туманида ўтказилган тезкор тадбирда аёл аризачи эркакдан $5 мингни олаётган вақтда қўлга олинган. Ҳолат юзасидан ЖКнинг 165-моддаси 2-қисми билан «а» билан жиноят иши қўзғатилган. Ҳозирда тергов ҳаракатлари олиб борилмоқда.