Ўзбекистонда HUMO ва UZCARD интеграцияси мувафаққиятли якунланди.
Жорий йилнинг 1 май санасига қадар, Тошкент шаҳрида ҳуқуқий эксперимент тариқасида виртуал касса билан қамраб олинган савдо ва хизмат кўрсатиш шохобчаларида нақд пул ечиш хизматини кўрсатиш амалиёти жорий этилди.
HUMO ва UZCARD тўлов тизимларини, хусусан, банкоматларни 2023 йилнинг май ойига қадар, тўлов терминали тизимларини 2023 йил охиригача ўзаро интеграциялаш бўйича ишларни босқичма-босқич якунлаш топширилган.
Бугун, 31 июль куни барча тижорат банкларининг банкоматлари иккала тўлов тизимининг ҳам карталарини қабул қилишлари учун бирлаштирилгани маълум қилинди.
Энди Ўзбекистон ҳудудидаги барча банкоматлар ушбу имкониятни қўллаб-қувватлайди. Фуқароларга банкомат HUMO ва UZCARD карталаридан транзакцияларни амалга ошириш ва нақд пул ечиб олиш имконини беради.
© Yangiliklar24 . All Rights Reserved.